2024ലെ അഗസ്ത്യാർകൂടം ട്രെക്കിങ്ങ് ജനുവരി 24 മുതൽ മാർച്ച് 2 വരെ. ഒരു ദിവസം 70 പേർക്കാണ് പ്രവേശനം. ജനുവരി 10 മുതൽ www.forest.kerala.gov.in വഴി ബുക്ക് ചെയ്യാം. 30 പേർക്ക് ഓഫ്‌ലൈൻ ബുക്കിങും ചെയ്യാം. ട്രക്കിങ്ങിൽ പങ്കെടുക്കുന്നവർ 7 ദിവസത്തിനുള്ളിൽ മെഡിക്കൽ ഫിറ്റ്നസ് സർട്ടിഫിക്കറ്റ് ഹാജരാക്കണം. കൂടാതെ 14 മുതൽ18 വയസു വരെ പ്രായമുള്ളവർക്ക് രക്ഷകർത്താവിനോടൊപ്പമോ രക്ഷകർത്താവിന്റെ അനുമതി പത്രത്തോടൊപ്പമോ അല്ലാതെ രജിസ്ട്രേഷൻ അനുവദിക്കില്ല. ട്രക്കിങ്‌ ഫീസ്,​ ഭക്ഷണം ഇല്ലാതെ ഇക്കോ ഡെവലപ്മെന്റ് ചാർജടക്കം 2500 രൂപയാണ് നിരക്ക് . വിശദവിവരങ്ങൾക്ക്: വൈൽഡ് ലൈഫ് വാർഡൻ, തിരുവനന്തപുരം: 0471-2360762.